14 rjemjeslniskich zjednoćenstwow Budyskeho wokrjesa ma noweho předsydu. Frank Scholze je zastojnstwo wot bywšeho šefa Joachima Wintera z Kulowa přewzał.

Budyšin. (SN/BŠe). Zo maš z rjemjesła swoje wjeselo a zo je wone zdobom jara zajimawe, chce nowy čestnohamtski předsyda rjemjeslniskich zjednoćenstwow Frank Scholze šulerjam sposrědkować a tak za rjemjeslniske powołanja wabić. Před štyrjomi tydźenjemi bu elektromišter ze swójskej firmu za zastupjerja něhdźe 650 předewzaćow Budyskeho wokrjesa wuzwoleny.