W Pěčkec zahrodnistwje akcija „Kćějaca Sakska“ zahajena

Holešow (SN/BŠe). Tradicionelnje zahaji so zahrodna sezona w swobodnym staće z akciju „Kćějaca Sakska“ přichodny kónc tydźenja. Hižo dźensa je krajny zwjazk za zahrodnistwo na wotewrjenje akcije do Holešowa prosył. Mějićel zahrodnistwa Matijas Pěčka witaše zastupjerjow politiki, hospodarstwa a towaršnosće serbsce. Chowancy Radworskeho katolskeho dźěćaceho domu pohosćichu přitomnych z chlěbom a selom. Zdobom překwapichu hosći z pisanym dwurěčnym programom. Wulkodubrawscy hercy program přidatnje hudźbnje wobrubichu.