Swoje taksijowe předewzaćel chce Daniel Vacek z Njebjelčic do Serbskich Pazlic přepołožić. Za to je tam bywši Lukašec jěchanski dwór kupił a na nim hižo wjele změnił.

Serbske Pazlicy (aha/SN). Taksijowy předewzaćel Daniel Vacek je spočatk 1990tych lět jako 19lětny swoju ciwilnu słužbu w Swinjarčanskej starowni wukonjał. Nimo druhich nadawkow měješe tež wozyć toho abo tamneho wobydlerja k lěkarjej abo do chorownje. Při tym sej wuwědomi, kak trěbne tajke logistiske posłužby su.