Z Róžanta do cyłeho swěta

Freitag, 21. Dezember 2018
Artikel bewerten
(0 Stimmen)
W Róžeńčanskej swěčkarni nastawaja swěčki najwšelakorišeje wulkosće. Tu njese jednaćel zawoda Jörg Weber najwjetši eksemplar  , kotruž zhotowichu za Drježdźansku cyrkej Našeje knjenje. Wjele fararjow je wobkrućiło, zo so swěčki z delanskeje wjeski rjeńšo a swětlišo swěća. Foto: SN/Maćij Bulank W Róžeńčanskej swěčkarni nastawaja swěčki najwšelakorišeje wulkosće. Tu njese jednaćel zawoda Jörg Weber najwjetši eksemplar , kotruž zhotowichu za Drježdźansku cyrkej Našeje knjenje. Wjele fararjow je wobkrućiło, zo so swěčki z delanskeje wjeski rjeńšo a swětlišo swěća. Foto: SN/Maćij Bulank

Něhdźe 15 000 swěčkow w delanskej dźěłarni wob lěto zhotowjeja

Hdyž Jörg Weber ze skalpelom swěčki wudebja, skutkuje kaž Gepetto ze stawizny wo Pinocchiju. Kedźbliwje a z lubosću k detailej rysuje wón motiwy na wóskowe ćěleso, kaž by je wožiwić chcył.

Prjedy bě Jörg Weber swójske přede­wzaće ze 30 sobudźěłaćerjemi nawjedował. Zo budźe jónu w swěčkarni dźěłać, njeby sej nihdy myslił. Tola jako měješe w lěće 2014 noweho šefa za Róžeńčansku swěčkarnju pytać, so jemu městnosć tak zalubi, zo je sam zastojnstwo přewzał. „Cyrkej dale wobsteji a dźěło so mi jara lubješe“, wón měni. Přiwšěm njejsu wuhlady do přichoda branše runjewon dobre. Čas wot kónca oktobra hač do jutrow je za jednaćela a jeho kolegow hłowna sezona. Mnohe cyrkwje sej hižo swoje jutrowne swěčki skazaja, dokelž je w Róžeńće nimale dospołnje w ručnym dźěle zhotowjeja. Wosady sej swěčki tuž rady tu wobstaruja. „Wjele fararjow je wobkrućiło, zo so naše swěčki rjeńšo a swětlišo swěća“, praji Jörg Weber. Tež Drježdźanska cyrkej Našeje knjenje dawa sej swoje na jedyn meter dołhe jutrowne swěčki w delanskej wsy zhotowić.

Veröffentlicht in Hospodarstwo

Galerie

dalši wobraz (1) Radlubje spjelnja swěčkarnja tež nadawki kupcow, kotřiž přeja sej wosobinske swěčki za najwšelakoriše swójbne podawki.
Bitte anmelden, um einen Kommentar zu posten

Serbska debata

Neuheiten LND