Młodych předewzaćelow a šulerjow z mytom LEX 2019 wuznamjenili

Choćebuz-Knorawa (SN). Łužica přeswědča z inowatiwnymi idejemi. Tři tudyše młode předewzaća a tři šulerske firmy­ přijachu srjedu wuznamjenjenje LEX 2019 (Łužiske wubědźowanje za załožerjow eksistency). Dr. Markus Binder, předsyda Hospodarskeje iniciatiwy Łu­žica (WiL) a předsyda jury LEX rjekny: „Naši dobyćerjo su ludźo, kotřiž ničo připa­dej njepřewostajeja. Woni su na cil wusměrjeni a racionalni. We wobłuku prezentacije na posedźenju jury pokazachu swójsku energiju a čiłu prezentaciju. Ze swojim konceptom, profesionalitu a zahoritosću su dobyćerjo přeswědčili.“