Budyšin (SN/BŠe). Łužiske rybowe tydźenje su pola rybarjow, w hosćencach, hotelach, pensijach a přirodoškitnych stacijach kruty wobstatk nazymskeje protyki. Lětsa su zwičnjensku iniciatiwu hižo 18. raz přewjedli a kaž marketingowa towaršnosć Hornja Łužica-Delnja Šleska zdźěla, su z wotběhom a wuslědkami přewšo spokojom. Cyłkownje je so ličba wopytowarjow přirunajo z tamnymi lětami stopnjowała, štož je so hižo w běhu zarjadowanjow wotbłyšćowało.