Přestrukturowanje zbudźa starosće politiki a wobswětowych zwjazkow

Choćebuz/Drježdźany (SN/MG). Zawod LEAG je swój transformaciski proces zahajił. Tak ma z dotalneho konstrukta tak mjenowana „holding“ nastać. To je njekruty zwjazk štyrjoch jednotliwych firmow. Nimo wudobywanja brunicy maja tři sparty za klimu škitace wobłuki nastać. Tak ma so wutworić „zeleny powerhouse“. Z toho wuchadźejo je za LEAG jedne jasne: „Wostanjemy jedna LEAG, zakótwjena w regionje a wudźeržliwemu zastaranju z energiju zawjazani.“ Zo ma so wudobywanje brunicy 2038 po planje zakónčić je za LEAG jasne. Jasne ma tež być, zo zawod za rekultiwěrowanje zawostankow wudobywanja zarući.