Za Saksku je změna strukturow wulke wužadanje. We woběmaj brunicowymaj rewěromaj Swobodneho stata su dźesaćitysacy dźěłowych městnow z wotbagrowanja brunicy wotwisne. Přiwšěm je změna wulka šansa za rewěraj. Němska financielnje němskim wuhlowym rewěram pomha, zo bychu wuspěšnu změnu zmištrowali.

Drježdźany/Budyšin (SN/BŠe). Za wuspěšnu změnu strukturow je wažne, zo so nowe hospodarske wobłuki we Łužicy natwarja, z kotrychž kónčina w přichodźe profituje. Zwjazkowe knježerstwo to na zakładźe zakonja za zesylnjenje strukturow tež pjenježnje wulkomyslnje podpěruje. We wobłuku prěnjeje spěchowanskeje doby su so tak hižo wjele projektow nastorčiło. Wjele z nich zamołwići tuchwilu realizuja.