Dźěło na projekće UNESCO 5 je w kraju a mjezynarodnje kedźbnosć zbudźiło

Projekt „UNESCO 5 – zhromadnje za Łužicu“ su loni 3. měrca w něhdyšej cyhelnicy w Małym Kólsku (Klein Kölzig) předstajili. Nošer předewzaća je kraj Braniborska, kotryž krajny zarjad za wobswět zastupuje. Partnerojo projekta su biosferowej rezerwataj UNESCO Błóta a Hornjołužiska hola a haty, Mužakowski park jako swětowe namrěwstwo UNESCO, Globalny geopark UNESCO Mužakowski zahork kaž tež Domnowina z imaterielnym kulturnym herbstwom Łužiskich Serbow. Projekt traje wot lońšeho januara hač do decembra 2026. Prěnje mjezywuslědki předleža.

Wo tuchwilnym stawje a wo tym, kak chcedźa dale postupować, je so Jost Schmidtchen ze zamołwitomaj projekta, Susann Troppa a Ellen Beuster, rozmołwjał.

Knjeni Troppa, knjeni Beuster, na kotre dźělne projekty so předewzaće UNESCO 5 zepěra?