Serbja po puću na Europeadu 2024 do Schleswigsko-Holsteinskeje

Flensburg (SN/MkWj). Mjeztym, zo prěnje mustwa Europske koparske mišterstwa w Němskej hižo zaso wopušća, hotuje so 880 koparkow a koparjow z dwanaće krajow na to, zo so jich mišterstwa skónčnje zahaja. „Europeada 2024“ wočakuje swojich wobdźělnikow tónkróć w Schleswigsko-Holsteinskej a Danskej.

Serbsku narodnu wubranku muži a žonow rozžohnuja dźensa wječor w Dešnje. Po tym wotjědźetej busaj z muskim a žónskim cyłkom do směra na sewjer. Oficialne wotewrjenje Europeady budźe jutře wječor w šuli danskeje mjeńšiny w Schleswigu. Swoju prěnju hru ma serbska muska wubranka zajutřišim, njedźelu, w 11 hodź. w Tönningu přećiwo Romam z Rumunskeje. Hru serbskeho žónskeho mustwa zahwizdaja samsny dźeń w 14 hodź. w Flensburgu přećiwo cyłkej z Južneho Schleswiga. Wutoru wječor, po hrě přećiwo mustwu němskeje mjeńšiny w Pólskej, chcedźa so serbscy koparjo w Bredstedće ze swojimi fanami zetkać.