Tiflis (B/SN). W Georgiskej bydli něhdźe 90 procentow křesćanow, 87 procentow z nich přisłuša georgisko-ortodoksnej cyrkwi, protestanća a katolikojo su w diasporje žiwi. Ekumeniske zhromadne skutkowanje je ćežke. Po času komunizma stej so 1991 ewangelsko-lutherska cyrkej z biskopom Gertom Hummelom a 1993 katolska cyrkej z biskopom Giuseppu Pasottom wožiwiłoj.

Wužiwanje dawka

Wien (B/SN). Awstriscy katolikojo smědźa wot klětušeho po 50 procentach wo wužiwanju swójskeho cyrkwinskeho dawka rozsudźeć. Dźewjeć diecezow je so na dźesać wobłukow, kotrež móža wěriwi podpěrać, dojednało, mjez druhim na kubłanje, swójby, młodźinu, kulturu a wobswět. Dawki z wotpowědnym namjetom, za kotry wobłuk maja so wužiwać, a wobjim pjenježnych darow móža wěriwi internetnje postajić a přepokazać.

Zrěčenje podpisali