Budyšin/Konjecy (JKf/SN). Rěčny centrum WITAJ (RCW) zarjadowa srjedu a štwórtk popołdnju dalekubłani w Budyskim Serbskim domje a Burskej stwě Towarstwoweho domu w Konjecach k temje „Spěwy a hrónčka, přewodźace wšědne wotběhi w dźěćacym dnjowym přebywanišću“.

Na nimaj wobdźěli so dohromady 19 kubłarkow z 13 dźěćacych dnjowych přebywanišćow. W połdrahodźinskim nawječornym zarjadowanju zeznachu nowe porsćikowe hry a nazwučowachu sej dwanaće nowych spěwčkow z pjera Fabiana Kaulfürsta. Tute su wědomje w jednorej, wobrazliwej rěči spisane, kotraž so runja melodijam spěšnje zašćěpi.