Z předpisami za wobtwarjenje w Budyšinje-Lětonju je Kubšiska gmejna twarske prawo za zasydlenje přemysłowych předewzaćow wutworiła. Potencielneho inwestora tež hižo maja.

Kubšicy (CK/SN). Za lětanišćo Budyšin-Lětoń su Kubšiscy gmejnscy radźićeljo na swojim zašłym posedźenju twarski plan schwalili. Zaměr je, zo móža njewužiwane płoniny při starym tankowym składźe, za kotrež zwjazkowy lětarski zarjad přisłušny njeje, za přemysło wužiwać. Lisćina ze 24 kriterijemi naliča, što wšo dowolene njeje. Mjez druhim su to drobnowikowanje, masowe plahowanje skotu abo spalernja wotpadkow. Industrijne zawody smědźa so jenož we wobmjezowanej měrje zasydlić.