Budyski wokrjesny sejmik so wčera ze serbskimaj rozprawomaj zaběrał

Budyšin (SN/at). Rozprawnistwo wo połoženju nastupajo zachowanje, spěchowanje a wuwiće serbskeje rěče a kultury w Budyskim wokrjesu bě wčera w sprjewinym měsće tema posedźenja wokrjesneho sejmika. Prěni raz njeje jenož krajny rada Michael Harig (CDU) swoju z wotpowědnych wustawkow wurosćacu winowatostnu rozprawu podał. Runje tak je społnomócnjena za serbske naležnosće Budyskeho wokrjesa Regina Krawcowa wokrjesnych radźićelow wo swojej dźěławosći informowała.