Policija w Hornjej Łužicy silwestersku nóc wulce zapřimnyć njetrjebała

Budyšin (SN/JaW). Lěto 2016 je nimo a wjetšina ludźi po cyłym swěće je nowe lěto z wulkimi wohnjostrojemi witała. Tež w Hornjej Łužicy su to na měrliwe wašnje činili. Zwony zwonjachu a wohnjostroje běchu widźeć. Wosebje nad Kamjenskim njebjom postajachu w nocy na 1. januar błyski raketow a ropot praskotakow prěnje mjeńšiny noweho lěta. Byrnjež ludźo znowa tójšto pjenjez za praskotaki wudali, bě prěni zaćišć na nowolětnym dnju, zo su na serbskich wsach mjenje praskali.