Róžant (chw/SN). Pod hesłom „Smy putnicy na zemi“ putnikowaše serbska dekanatna młodźina wčera do Róžanta. Kěrluše spěwanjo a z modlitwu dóńdźe procesion do Róžeńčanskeje swjatnicy. Božu mšu wobrubi młodźinska projektna band. W skeču rozestajachu so ­młodostni so z temu „Čehodla scyła ­wěrju?“. Na to rozjimaše farar Gabriš ­Nawka tematiku w prědowanju. Wosebje zanošowane młodźinske kěrluše spožichu Božej mši přijomnu atmosferu a intensiwnosć.