Wosebje na parkowanišćach šoferojo njekedźbuja a sej awto skóncuja

Wojerecy (SN/mwe). Wojerowski policajski rewěr je loni eksaktnje 1 997 wobchadnych njezbožow registrował. Z tych wotpadnu 1 021 na město a dalše k mjenowanemu rewěrej přisłušace komuny. Tak dóńdźe k 976 wobchadnym njezbožam w Halštrowskej Holi, we Łutach, we Łazu, Sprjewinym Dole, Kulowje, Njedźichowje, Rakecach a Wóslinku. Přirunujo ličbu z lětom 2015 je tendenca z 5,5 procentami wjace njezbožow lochko stupaca. Při jednym njezbožu bě loni zranjeny zemrěł, 37 wosobow je so ćežko a 105 lochko zraniło. Cyłkowna wěcna škoda wučinja něhdźe 2,3 miliony eurow.