CSB a klóšter Marijina hwězda swójbne popołdnjo wuhotowałoj
Pančicy-Kukow (aha/SN). Wjace hač 400 ludźi wšěch starobnych skupin dožiwi wčera zabawny swójbny dźeń, kotryž stej Křesćansko-socialny kubłanski skutk (CSB) a klóšter Marijina hwězda štwórty raz znowa w jutrownych prózdninach wuhotowałoj. Sonja Hejdušcyna wot CSB dósta wjele připóznaća za přemyslene poskitki na dźesać stacijach, při čimž je wjedro z organizatorami, akterami a hosćimi lětsa wosebje derje měniło.
