Na jědnaće statokach sobotu w Ćisku wopytowarjow witali
Ćisk (JT/SN). Při najrjeńšim wjedrje je publikum na dworowym swjedźenju sobotu w Ćisku wulkotne dohlady do wašnja žiwjenja na wsy, do burskeje rjemjeslniskeje techniki kaž tež do serbskeje kultury na dohromady jědnaće statokach dóstał. Dźeń zahajił běše Hans-Christoph Gille, farar ewangelskeje wosady we Wojerowskim Nowym měsće z kemšemi pod hołym njebjom na statoku swójby Šrapel/Wuško. Bórze po tym ćehnjechu Fanfary jězoriny po wsy a postarachu so na kóždym statoku wo hudźbny zazběh do dnja.
