Na domchowance w Ptačecach serbšćinu w cyrkwi a zwonka njeje pěstowali
Ptačecy (JT/MŠ/SN). Wulka ličba kirbsow na pisanje wupyšenej nawsy w Ptačecach su njedźelu do wsy přichadźaceho wopytowarja hižo zdaloka na to skedźbnili: Tu swjeća swjedźeń domchowanki. Při wjesnej studni běše Marija Šołćic, rěčna motiwatorka projekta ZARI, kotryž swjedźeń sobu podpěrowaše, wjace hač 20 keramiskich figurinow žónskich w serbskich narodnych drastach postajiła. Studnja sama běše lětsa prěni raz z wulkej, ze słomjanej krónu wudebjena.
