We wobłuku Krabatoweho tydźenja zaběra so Serbski muzej w nazymskich prózdninach ze serbskej bajowej postawu Krabata a historiskej wosobinu Janka Šajatovića.
Budyšin (SN/lmc). Hač wodźenje po wustajeńcy za dorosćenych abo pisany a wotměnjawy program za šulske a pěstowarske dźěći – wostudu pasć w tutych prózdninach nichtó njetrjeba. Serbski muzej je 7. oktobra kaž tež wčera zajimowane dźěći na wosebity prózdninski poskitk přeprosył.
