Budyšin (SN). Lětsa w juliju skónči so pjećlětna doba tuchwilneje sudnicy w zastojnstwje změrca a jeje zastupjerja w Budyšinje. Hač do 28. měrca pyta město nětko za móžnymi zajimcami. Wšako chcedźa změrcowstwo (Schiedsstelle) z nowym sudnikom a městopředsydu wobsadźić. Pod wěstymi wuměnjenjemi móže so kóždy Budyšan, kotryž ma zajim na tajkim nadawku, za wupisanej městnje požadać. Měšćanska rada woli změrca na pjeć lět. Po kóncu doby smě so wón abo wona wospjet za zastojnstwo powabić, jeli to chce.
Hłowny zaměr skutkowanja w tutym zastojnstwje je, mjeńše rozestajenja a zwady zwonka sudnistwa wujednać abo pospyty wotpokućenja (Sühneversuche) přewjesć. Do nadawkow słuša na přikład wujednanje zwadow mjez susodami abo mjez wotnajerjom a přenajerjom. Ale tež w padach zranjenja ćěła, kaženja domjaceho měra, skřiwdźenja abo wěcneho wobškodźenja prócuje so sudnik wo dobre dojednanje.
