Ideja załožerja předewzaća Seidenkokon Native Silk je zwrěšćiła

Njebjelčicy (UM/SN). Produkcija přirodneje židy běše něhdy w srjedźnej Europje wažna hospodarska branša. W Sakskej je wosebje hejtman Georg Heinrich von Carlowitz (1807-1857) w swojim ­času plahowanje židźencow (Seidenraupen) na marušnjach (Maulbeerbaum) spěchował. Samo w 1950tych lětach je tón abo tamny w Sakskej hišće židźency plahował. W lěće 2021 je dr. Udo Krause tradiciju zaso wožiwić chcył. Studowany biologa załoži w Njebjelčicach firmu Seidenkokon Native Silk. Na Drježdźanskej TU běše so wón we fachowym wobłuku molekularna biologija tež z přirodnej židu zaběrał a při tym jeje ­jónkrótne kajkosće zeznał. Prašeše so, čehodla produkcija přirodneje židy w Němskej lědma eksistuje a čehodla ju na polu mediciny njezasadźeja.