Pjenjezy za naprawy

Rakecy. Leaderowy region Hornjałužiska hola a haty namołwja zajimcow so wo spěchowanje mjeńšich projektow požadać. Cyłkownje steja za to 165 000 eurow k dispoziciji. Spěchowanja kmane projekty su naprawy, za kotrež maja próstwystajerjo mjez 2 000 do 20 000 eurow nałožować. Tohorunja maja wšelake kriterije spjelnić, kotrež namakaće na internetnej stronje OHTL.

Zrěčenje wo jězoru podpisali

Zhorjelc. Łužiska a srjedźoněmska towaršnosć hórnistwoweho zarjadnistwa (LMBV), město Zhorjelc a gmejna Šunow-Bartono su wčera předźěłane zrěčenje wo dočasnym wužiwanju Bartonjanskeho jězora podpisali. W lěće 2022 běše sakska krajna direkcija jězor za łódźnistwo wotewrěła. Wčerawše zrěčenje rjaduje předewšěm wužiwanje přibrjohow.

„Ptači park“ nastanje