LaSuB dale bjez prezidenta
Kamjenica. Sakski krajny zarjad za šulu a kubłanje (LaSuB) nima dale žanoho noweho prezidenta. Ralf Berger, dotalny prezident, je so spočatk lěta na wuměnk podał. Přichodny tydźeń chce sakske knježerstwo městno znowa wobsadźić. Móžny kandidat za zastojnstwo je něhdyši zapósłanc Sakskeho krajneho sejma CDU a kubłanski politikar Patrick Schreiber.
Zběhanku woswjećili
Kamjenc. Předewzaće Jägermeister je wčera zběhanku za nowu sudownju woswjećiło. W nowym składowanišću chcedźa 225 dubowych sudow z cyłkownej kapacitu 38 milionow litrow zaměstnić. Naslědnosće dla natwarjeja halu z drjewa, kotraž je mjez druhim z fotowoltaikowej připrawu a systemom za wužiwanje dešćikoweje wody wuhotowana. Cyłkownje inwestuje Jägermeister do nowotwara, kotryž ma w tutym lěće dotwarjeny być, 17,6 milionow eurow.
Wo energiji wuradźować
