Swjedźeń ze serbskim podźělom
Budyšin. Wot dźensnišeho hač do njedźele swjeći sprjewine město swoje 1 017. Budyske nalěćo. Program měšćanskeho swjedźenja wuhotuje wjace hač 500 sobuskutkowacych. K wjerškam słušataj dźensa wječor wustup kapały „Shawue“, w kotrejž je něhdy tež Křesćan „James“ Młynk sobu hrał, a jutře wječor irski gitarist Sean Callaghan na Mjasowych wikach. Na samsnym městnje dožiwi publikum do toho młodeho spěwarja Gabriela Mommera, kiž ma w Budyšinje serbske korjenje. Wo dalši serbski podźěl postaraja so sobotu dopołdnja Chróšćanscy muzikanća a popołdnju Smjerdźečanska rejwanska skupina hromadźe z folklornej skupinu Sprjewjan na Žitnych wikach. Njedźelu dopołdnja zahudźi tam dujerska kapała Horjany.
Křesćanska hudźba zaklinči