Kreatiwnej dnjej
Chrósćicy. Jutře, 23. oktobra, a zajutřišim, 24. oktobra, wot 9 hodź. su zajimcy na kreatiwnej dnjej na Chróšćanski gmejnski zarjad přeprošeni. Jutře pasla tam pod nawodom floristki Diany Mejnoweje nazymsku pychu. Štwórtk zaběraja so tam z paslenjom filigranych nawušnicow z parličkow, pjelsće, zbytkow płatu a fimo-hliny.
Zběraja hodowne pakćiki
Smjerdźaca. Towarstwo swj. Filomeny chce lětsa znowa dźěći a swójby w maćerno-dźěćacym domje w čěskim Dolnim Podluží a w bołharskim Razgradźe k hodam zawjeselić. Za to zběraja znowa hodowne pakćiki. Jich wobsah zamołwići njepředpisuja, proša pak wo to, pakćik ze zdźělenku woznamjenić, hač je za swójbu, holcu abo hólca a tohorunja, w kotrej starobje. Pakćiki, poćehnjenja a dalše hygieniske twory přijimuja čłonojo towarstwa swj. Filomeny wokoło Smjerdźečana Gerata Róbla wot póndźele, 25. nowembra, hač do štwórtka, 28. nowembra, stajnje wot 17 do 18 hodź. w Smjerdźečanskim kulturnym domje.
Na dźěłarničku do muzeja