Na ptači kwas SLA
Radwor. Po wuspěšnych předstajenjach ptačokwasneho programa Serbskeho ludoweho ansambla w Delnjej Łužicy dožiwi program „Štóž so zwaži, tomu so radźi“ jutře w 19.30 hodź. w Radworskej „Slaviji“ hornjoserbsku premjeru. Tam přizamknu so reje. Dalše předstajenje budźe zajutřišim, njedźelu, w 16 hodź. w Kulowskej wjacezaměrowej hali.
Jutře na spěwny wječor
Hórki. W bróžni Hórčanskeho Smolic statoka wotměje so jutře wot 19 hodź. wosebity spěwny wječor. Na njón su sej čłonojo skupiny ČILAK přeprosyli čěsku skupinu „Cimbálova muzika Stupava“ z Dolnich Bojanovic. Wječor přewjedźe so dźakowano spěchowanju z fondsa Čiń sobu!. Wobdźělić budźe so tohorunja znaty pinčnik Franta, kiž swójske wino poskića. A wězo njebudźe tež legendarna čěska poliwka „česnečka“ pobrachować.
Tež w stolicy kwasuja