Přehladku nětko zakónča
Slepo. Jutře, 6. junija, zakónča wosebitu wustajeńcu Rownjanskeho wuměłca Jörga Tauscha w Slepjanskej cyrkwi. Pod hesłom „Wjesołe jutry! – Frohe Ostern“ předstaješe tam wučer Slepjanskeje Wyšeje šule „Dr. Marja Grólmusec“ w minjenych wosom tydźenjach twórby, na kotrychž předstaja z kulkopisakom molowane serbske jutrowne tradicije. Přehladku staj fararka Jadwiga Malinkowa a wuměłc Jörg Tausch we wobłuku kulturneho lěća zmóžniłoj. Jutřiša finisaža budźe we 18 hodź.
Hudźbna prapremjera na hrodźe
Wojerecy. Na wosebitu hudźbno-literarnu matineju „Moja dróha“ přeproša 12. junija Wojerowske wuměłstwowe towarstwo. Helene Schmidt a Angela Potowski čitatej na tamnišim hrodźe teksty spisowaćelki Brigitty Reimann. Jan Cyž z Budyšina, Elise Elvers z Berlina a Malte Hübner z Rostocka su k tomu hudźbne kruchi skomponowali, kotrež tam prěni raz přednjesu. Započatk je w 19 hodź.
Domizniski dźeń njebudźe