Krasny serbski wječork
Budyšin. Tři serbske skupiny – Astronawt, Lil Handrij a Brankački – zahraja jutře wot 19 hodź. w Budyskej barje „Sundowner“ rock a pop, hiphop a gawdijowu hudźbu. Hosćo móža so na krasny serbski wječork wjeselić.
Młodostna hraje na harfje
Wojerecy. Ze swojej harfu chce 16lětna Thea-Laurine Scholz připosłucharjow jutře w 9.30 hodź. we Wojerecach před kofejownju „Rosalie“ zawjeselić. W Spalach bydlaca zahraje klasiku runje tak kaž měrne popowe štučki, flamenco a łaćonskoamerisku hudźbu.
Klankodźiwadło w „dwórnišću“
Kulow. Jutře su wosebje starši ze swojimi mjeńšimi dźěćimi w 15 hodź. do Kulowskeho Stareho dwórnišća na klankodźiwadło přeprošeni. Schmidtec figurowe dźiwadło předstaji tam němsce „Kašpork na rubježnej hońtwje“.
Pišćelowy hudźbny nyšpor