Na sportnišću swjećić
Šunow. Młodźinski klub Konjecy-Šunow přeproša jutře, 26. septembra, wot 21 do njedźele 3 hodź. na DSF-party (němsko-serbske přećelstwo). Po korona-přestawce chcedźa serbscy a němscy młodostni w znamjenju za „měr, wjeselo a přećelstwo“ porjadnje a z wotpowědnej hudźbu na Šunowskim sportnišću swjećić. Hejsować chcedźa tam z najlěpšimi DJjemi pod krutymi korona-předpisami před festiwalnym jewišćom „ekstraklasy“ wotměć.
Skónčnje sami rězbarić
Miłoćicy. Z nowym poskitkom chce Njebjelčanske wuměłstwowe a kubłanske towarstwo Kamjenjak swoju lětnju sezonu zakónčić. Přeproša wosebje dźěći, młodostnych a młodych dorosćenych jutře wot 14 do 17 hodź. do Miłočanskeje skały Při Krabatowym kamjenju na zhromadne rězbarjenje. Pod hesłom „Sam rězbarić“ fachowcy zajimcam tele rjemjeslniske wuměłstwo spřistupnja.
Z busom na premjeru