INO w retrospektiwje
Budyšin. Pod hesłom „Wuměłstwo a přiroda – INO – Ingerose Jänichen-Kucharska – Retrospektiwa“ wotewru jutře, sobotu, wosebitu wustajeńcu w Muzeju Budyšin. Přehladka wopřijima wjace hač 200 objektow, mjez druhim mólby a keramiki Jänichen-Kucharskeje, znateje pod pseudonymom INO. Wernisaža, kotruž Połčničanski instrumentalny ansambl muzikalisce wobrubja, započnje so w 15 hodź. Zastup je darmotny.
Wožiwja tradicionalny swjedźeń
Hónikecy. Po nimale pjeć lět trajacej přestawce wuhotuje Hórnikečanska Energijowa fabrika njedźelu, 12. junija, znowa swjedźeń „Fabrik.Fest.Spiele“. Wot 8 hodź. čakaja mjez druhim čaporowe wiki a dźěłarnička za modelowu železničku na wopytowarjow. Dale koncertuja mjez druhim skupinje Die Notlösung a Boogie Hechte kaž tež Frank Proft & band. Zastup płaći regularnje 7,50 eurow resp. 4 eurow potuńšeny.
Prezentacija biografije Kocora