Nazhonjenja žiweje kulturneje a kubłanskeje awtonomije studowali
Brüssel/Eupen (SN/at). „My smy němsce rěčacy Belgičenjo, njezačuwamy so jako Němcy.“ Tón fakt je prezident Parlamenta Němskorěčneho zhromadźenstwa Belgiskeje, Charles Servaty, we wuměnje z čłonami Serbskeho sejma a dalšimi za mjeńšinowu politiku a politiku wnučkokmanosće so zajimowacymi Serbami a Němcami wospjet nazornje wospjetował. 28 wosobow wobdźěli so na wuprawje wot minjeneho štwórtka hač do wčerawšeje njedźele do Brüssela a wuchodneje Belgiskeje. W srjedźišću steješe zeznać dźěławosć Europskeho parlamenta a Parlamenta Němskorěčneho zhromadźenstwa Belgiskeje w Eupenje. Ekskursiju je Załožba Slavonic Europe wobsahowje přihotowała.
