Poslednju hru połserije dobyli

póndźela, 11. decembera 2017 spisane wot:

VSG Altglieniecke

– FC Energija Choćebuz 0:2 (0:1)

Zestawa hosći: Spahić – Starcew, Matuwila, Stein, Schlüter, Kruse, Zimmer (82. Zickert), Weidlich, Gehrmann (57. de Freitas), Viteritti, Boakye (57. Mamba)

Dźakowano dwěmaj zmylkomaj postupnika, kotrejž je Fabio Viteritti wužił, zakónči FC Energija prěnju połseriju bjez poražki. Hosćo su nimale přez cyłu hru dominowali. Jenož krótko do połčasa a někotre mjeńšiny po přestawce měješe postupnik někotre móžnosće, kotrež pak z přewulkej horliwosću wužić njezamó.

Koparjo Energije Choćebuz maja w prěnjej połseriji pjatnaće dobyćow a wulki komfortabelny předskok 14 dypkow před prěnim přesćěharjom BFC Dyna­mom. Georg Zielonkowski

Derbyjowe dobyće a rewanša

póndźela, 11. decembera 2017 spisane wot:

Budissa Budyšin

– FC Hornja Łužica Neugersdorf 3:0 (0:0)

Zestawa domjacych: Ebersbach – Kunze, Patka, Hoßmang, Mack, Krawčik (79. Heppner), Müller (72. Kloß), Pfanne, Milde (89. Barnickel), Bönisch, Schmidt

Minjeny pjatk je regionalna koparska liga sewjerowuchod do druheje połserije startowała. Z hosćom Budissy Budyšin bě FC Hornja Łužica Neugersdorf (FCO). Prěnju hru w Neugersdorfje běchu domjacy 0:3 přěhrali. Hosćićel chcyše rewanšu a hnydom porjadnje započa. Hižo prěnja akcija bě wjele lubjaca. Kevin Bönisch­ suny so do třělwy Jonasa Krawčika, misny pak hrajny nastroj (1.). Prěni połčas bě chětro wurunany z mało šansami na woběmaj stronomaj. FCO měješe dwě tajkej přez Josefa Ma­reka. Prěnju wotwobara Maik Ebersbach (7.), při druhej dźěše hłójčkowany bul wyše wrotow (14.). Najlěpša šansa ski­ćeše so Paulej Mildźe (17.), kiž přihrawku Bönischa snadnje wyše wrotow třěli. Wulki derbyjowy woheń w prěnim połčasu hišće wudyrił njebě.

Widźał,słyšał, napisał (11.12.17)

póndźela, 11. decembera 2017 spisane wot:

Awtor dźensa

Jurij Bjeńš

Šulerjow na to dopominać, zo so stajnje prawje dźakuja abo we wěstych situacijach so zamołwjeja, słuša wězo k mojim nadawkam jako wučer. Dźensa pak chcu so sam zamołwić a podźakować.

Bojowniske derbyjowe dobyće 2:1 přećiwo ST Radworjej ze swojimi sobukoparjemi Sokoła Ralbicy/Hórki sym wězo njesměrnje swjećił. Hnydom po hrě pak naš nan, kiž po tajkim wuspěchu poprawom aplawděruje, pokazowak zběhny, jako by rjec chcył: „To ty hišće jónu nječiń!“ Tróšku špatne swědomje wšak na to mějach.

Bjez idejow přećiwnikej podleželi

póndźela, 11. decembera 2017 spisane wot:

FC Viktoria Berlin

–Budissa Budyšin 3:0 (2:0)

Zestawa hosći: Ebersbach – Kunze, Patka, Hoßmang, Heppner (67. Milde), Krawčik (46. Bönisch), Kloß, Pfanne, Mack, Müller, Gehrmann (46. Schmidt)

W krótkodobnje postajenej nachwatanskej hrě dyrbjachu koparjo Budissy Budyšin minjenu wutoru pola Viktorije Berlin nastupić. Za mustwo z ama­terami bě to wězo njezbožowne postajenje. Najebać to chcychu so Budyšenjo tež w Berlinje wuspěšnje prezentować. A hosćićeljo z něhdyšim hrajerjom Budissy Chrisom Reherom so runje tak wo wuspěch a tři dypki prócowachu. Hosćo pak mějachu njezbožowny start, jako Viktoria hižo po pjeć mjeńšinach přez wrota Marca Karima Benyamina z 1:0 nawjedowaše (5.). Budyšenjo mějachu přez Jonasa Krawčika dobru móžnosć k wurunanju, wrotar Pascal Kühn pak k róžkej wotwobara (11.). Tež Josef Müller sam před wrotami zwrěšći (28.). Krótko po tym Pavel Patka w šěsnatce Abuwa Bakarra Kargbowa połoži, a postajenu jědnatku kapitan Ümit Ergirdi přetwori (31.). Tak skónči so prěni połčas před 187 přihladowarjemi z 2:0 za domjacych.

Wuslědki (11.12.17)

póndźela, 11. decembera 2017 spisane wot:

Regionalna koparska liga muži

Budissa Budyšin – Neugersdorf 3:0 (0:0)

Hertha BSC II – Babelsberg  2:1 (0:0)

Energija Choćebuz – Neustrelitz 4:1 (3:0)

Meuselwitz – FC Viktoria 0:2 (0:0)

Halberstadt – Nordhausen 0:0 (0:0)

BFC Dynamo – Luckenwalde 5:0 (3:0)

1. Energija Choćebuz 18 47  :  5 50

2. BFC Dynamo 18 47  : 20 36

3. Nordhausen 18 21  : 10 30

4. Fürstenwalde 18 33  : 30 28

5. Lok Lipsk 16 21  : 13 27

6. FC Viktoria 18 33  : 27 27

7. Berlinski AK 17 28  : 27 26

8. Meuselwitz 17 25  : 20 24

9. Hertha BSC II 18 24  : 26 24

10. Budissa Budyšin 18 17  : 23 24

11. Halberstadt 18 30  : 30 23

12. Babelsberg  18 21  : 21 23

13. Neugersdorf 18 27  : 32 23

14. Altglienicke 18 14  : 21 19

15. Auerbach 18 21  : 28 18

16. Neustrelitz 18 18  : 37 13

17. Chemija Lipsk 18 8  : 31 13

18. Luckenwalde 18 14  : 48 5

regionalna liga žonow

Rostock – BSC Marzahn 3:2 (0:1)

RB Lipsk – Neubrandenburg 4:2 (2:2)

Drježdźany – Magdeburg 1:4 (0:1)

Steglitz – Union Berlin 2:3 (1:2)

1. Magdeburgski FFC 13 62  : 10 36

2. FC Viktoria Berlin 12 49  :  8 31

3. FC Union Berlin 13 38  : 13 31

4. RB Lipsk 13 26  : 24 25

5. Steglitzski FC Stern  13 34  : 17 20

6. BSC Marzahn 13 35  : 32 20

7. Fortuna Drježdźany 13 16  : 28 13

8. FC Rudne horiny Aue 12 15  : 29 13

9. FC Neubrandenburg 12 16  : 35 9

10. Rostockski FC 13 14  : 53 7

11. Biskopičanske KT  12 12  : 32 6

12. SZ Módro-běli Beelitz 11 1  : 37 2

Sport (08.12.17)

pjatk, 08. decembera 2017 spisane wot:

Wulka ćěłozwučowanska show

Jednota Kamjenc wuhotuje njedźelu, 10. decembra, w sportowej hali Kamjenskeho Lessingoweho gymnazija dohodownu sportowu show, kotruž pokaza wotrjad ćěłozwučowanje. Započatk je w 14.30 hodź. z kofejpićom. Wot 15 hodź. do 17.30 hodź. tam sportuja.

Mikławšowa kopańca

Tradicionalny Mikławšowy halowy koparski turněr zarjaduje a wuhotuje ST 1922 Radwor jutře wot 9 hodź. w Ra­dworskej „Slaviji“. Zakitowar pokala je cyłk chóra Meja.

Mikławšowy volleyball

Volleyballisća SJ Chrósćicy přewjedu póndźelu, 11. decembra, tradicionalny Mikławšowy volleyballowy turněr. Přeprošene mustwa zetkaja so we 18 hodź., hry započnu so poł hodźiny pozdźišo.

Kónctydźenska kopańca

8.12. 19:00 Budissa Budyšin

  – Neugersdorf

9.12. 13:30 Rakečanske ST

  – Sokoł Ralbicy/Hórki

  (w Kamjencu)

9.12. 13:30  Energija Choćebuz

  – TSG Neustrelitz

10.12. 11:30 SJ Chrósćicy II

  – FSV Łuty

10.12. 13:00 Biskopicy (žony)

  – Viktoria Berlin

10.12. 13:00 ST Marijina hwězda

  – Natwar Němske Pazlicy

10.12. 13:30 ST Radwor

  – ST Hnašecy-Dobruša

10.12. 13:30 ST Wjelećin

  – Módro-běli Kulow

Blidotenis

9.12. 14:00 MSV Budyšin 04 III

  – Viktoria Worklecy

9.12. 19:00 ST Horken Ketlicy

  – Viktoria Worklecy

Volleyball

Klóštercy koparjo seriju znowa podlěšili

štwórtk, 07. decembera 2017 spisane wot:

HZ Łaz/Běły Chołmc

– ST Marijina hwězda 0:1 (0:0)

Zestawa hosći: Matik – Wróbl, Škoda, K. Pakoßnick, R. Hawš, Rab, Kuring, O. Hawš, Peschmann (88. Czapik), Eldor, J. Pakoßnick (79. Winkler)

We Łazu čakaše na chowancow trenarja Erwina Kleinmanna minjenu njedźelu dalši ćežki nadawk přećiwo třećemu tabulki. Njehladajo na to pak chcychu hosćo swoju seriju njeporaženych hrow podlěšić. To so ze snadnym a zasłuženym 1:0 tež poradźi. Spočatnje so wobaj cyłkaj w srjedźnym polu neutralizowa­štej. Potom pak hosćo ceptar přewzachu. W 12. min. bu Jakob Pakoßnick pósłany a suny bul wo centimetry nimo wrotow. Mjeńšinje pozdźišo smkony Ali Eldor bul do łaty. Jónu móžeše so wrotar Dawid Matik wuznamjenić, jako wón třělwu derje wotwobara (40.), dwě mjeńšinje pozdźišo přizemi bul na łaće.

Chróšćenjo znowa dobyli

štwórtk, 07. decembera 2017 spisane wot:

HZ Wulke Ždźary

– SJ Chrósćicy II 3:4 (1:3)

Zestawa hosći: Matješk – Šiman, Mark, Wowčer, Liznar (89. Klimant), M. Zahrodnik, Bětnar, L. Zahrodnik, Bogusz (84. Šmit), Jakubaš (71. Budar), Dórnik

Po tym zo je sej Chróšćanska koparska rezerwa prěnje dobyće sezony přećiwo mustwu z Nadrózneje Hrabowki wudobyła, chcychu wězo dalše. Poslednje městno w tabulce wopušćić bě zdobom jasny nadawk trenarja Matijasa Dórnika.

Hra minjenu sobotu běše wurunana, wjace šansow wrota docpěć pak mějachu hosćo z Chrósćic. W 24. min. poradźi so Stefanej Liznarjej po dobrej kombinaciji bul k 0:1 přez wrotowu liniju sunyć. Po tym pak wustupowachu Chróšćenjo njekoncentrowani. W 35 min. móžeše so Keck přelochko přećiwo Měrćinej Jakubašej a Michałej Wowčerej přesadźić a wurunać. Hosćo pak so zhrabachu a mějachu dale dobre składnosće. Tak zwyši Matti Bětnar w 41. min. na 1:2 a Jan Bogusz w 44. min. na 1:3.

Wuslědki (07.12.17)

štwórtk, 07. decembera 2017 spisane wot:

Wokrjesna koparska liga, stafla I

Wachau – Ottendorf-Okrilla 1:1 (1:0)

Malešecy – Huska3:1 (2:0)

1. TSV Połčnica 13 51  :  12 34

2. Concordia Załom 13 29  : 15 32

3. Traktor Malešecy 14 40  : 19 31

4. TSV Wachau 14 32  : 8  30

5. ST Porchow 13 26  : 13 25

6. Horni kraj-Sprjewja II 14 43  : 26 22

7. FV Ottendorf-Okrilla 14 26  : 24 22

8. Arnsdorfske KT 14 25  : 23 21

Pod hódnotu podleželi

srjeda, 06. decembera 2017 spisane wot:

Natwar Němske Pazlicy

– SJ Njebjelčicy 2:1 (1:1)

Zestawa hosći: Hahn – Hoelzel, Hanuza, Deleńk, Hrjehor, Pawlik, Kral, Ričel (75. Čornak), Lejnart, Haška, Korjeńk

W poslednjej hrě prěnjeje połserije 2017/2018 při derbyju pola načolnika tabulki wokrjesneje ligi-stafla II su Njebjelčenjo woprawdźe dobru kopańcu pokazali. Hosćićelski trenar Handrij Krawčik bě swojich chowancow derje nastajił a kóždemu jednotliwcej prawe sebjewědomje sobu dał. Tak je mustwo ze wšeho spočatka čile a w zhromadnej bojownosći spěšne a strašne nadběhi hosćićela wotwobarało. Nimo toho poradźi so agilnemu Handrijej Korjeńkej tón abo tamny strašny nadběh. Tak bu wón w 19. min. wot Wonnebergera potorhnjeny, ale po měnjenu sudnika to za čerwjenu kartu njedosahaše. W 40. min. Korjeńk přez prawu stronu běžo kulowatu kožu k 0:1 do wótreho kuta wrotow smokny. Po tym měrjachu so Njebjelčenjo dale na domjace wrota, zhubichu pak we srjedźnym polu njezbožownje bul. Tak poradźi so domjacym do přestawki wurunanje (45.) přez špěšny konter.

nawěšk

SERBSKE NOWINY podpěruja:

fueorg misain karten sorbisch

  • Sobotu, 25. nowembra 2107, wotmě so w Budyskej měšćanskej hali "Króna" 143. schadźowanka. Tule namakaće někotre impresije zetkanja serbskeje inteligency, kotrež je fotograf Serbskich Nowin Maćij Bulank zapopadnył. 
Am 25. November fand in Bautzen die

nowostki LND