Pokiwy (05.07.24)
Kulinariski festiwal
Kamjenc. Pod hesłom „Streetfood on tour“ je swjedźenišćo w Kamjenskim lěsu kónc tydźenja z hosćićelom „najsłódnišeho festiwala Europy“. Wot dźensnišeho pjatka hač do slědowaceje njedźele wuhotuja „hotowy kraj šlarafow na přikład z pikantnymi burgerami, awtentiskej afriskej kuchnju a chłóšćenkami z Južneje Ameriki – so wě tež wegetarisce, weganje kaž tež bjez glutena a laktozy“. Dale poskićuja dźěćom wosebity program a wšitkim wopytowarjam tójšto live-hudźby. Zastup na dźeń płaći 3 eura a 5 eurow na kónc tydźenja, hosćom w starobje do 14 lět spřistupnjeja festiwal zadarmo.
Kriminalka Krawca
Budyšin. Křesćan Krawc předstaji dźensa, pjatk, swoju nowu knihu „Der Wassermannräuber“ w Budyskim ekumeniskim tachantskim wobchodźe. Kriminalka je prěni wulět awtora do tohole žanra a złožuje so na woprawdźity pad wjacorych padustwow kónc 1990ych lět na wuchodźe Němskeje. Čitanje započnje so we 18.30 hodź., zastup je darmotny. Pjenježne dary pak so njewotpokazuja.
Čaporowe wiki za žony a dźěći
Spěwar a komponist Felix Räuber bě mjez hosćemi rjadu „Happy ...
Rěblaj (05.07.24)
Jeli pytane słowa 1–12 prawje wuhódaće a do prózdnych kašćikow dalše pismiki zasadźiće, wučitaće we wonkownych rjadach štyri sportowe wurazy.
1 łužiske městačko, 2 nic pozastaće, 3 spisar, 4 so lubjaca, 5 hrib, 6 spěw w operje, 7 Auszug serbsce, 8 lěsne zwěrjo, 9 Pfanne serbsce, 10 wuknjacy, 11 je přećiwo lačnosći, 12 stat USA
Rozhłós (05.07.24)
njedźelu hornjoserbsce
11:00 Łužica tutón tydźeń
11:15 Tematiske wusyłanje: To bě Europeada 2024
12:00 nabožne wusyłanje
(Gerat Wornar)
po tym zbožopřeća
delnjoserbsce
12:30 Aktualny magacin, mjez druhim z přehladom powěsćow a pokiwami kaž tež ze zjimanjom Europeady 2024
13:00 Kolumna „Tak ja to wiźim“
13:15 Tematiske wusyłanje: Kak prawje lěnjeho pasć?
13:40 Nabožne wusyłanje
(Christina Kliemowa)
po tym zbožopřeća
Do kina (04.07.24)
4.7. – 10.7.2024
Budyski filmowy palast:
Pokiwy (28.06.24)
Pytko & Řepka a Řepka
Kalawa/Budyšin. Serbski spěwytwórc Bernd „Pytko“ Pittkunings a Praski šansonier Jan Řepka běštaj so na mjezynarodnym hudźbnym projekće „Gundermanns Lieder in Europa 2018“ zeznałoj a po tym zhromadnje ducy po Łužicy a Čěskej koncertowałoj. Nětko staj znowa jako dwójka po puću, tónraz pod hesłom „Dwaj spěwytwórcaj – Štyri rěče“ ze swójskimi spěwami w němčinje, čěšćinje a serbšćinomaj. Jutře, sobotu, wustupitaj w 17 hodź. w kubłowej cyrkwičce (Guts-kapelle) w Kalawskim měšćanskim dźělu Rudna. Zastup je darmotny, pjenježne dary pak so njewotpokazaja. Jako solist wuhotuje Řepka wutoru, 2. julija, bjezpłatnje přistupny foyerowy koncert w Budyskim Kamjentnym domje, kotremuž slěduje wotewrjeny tačelowy wječor. Zajimcy móža swójski winyl sobu přinjesć a sej zynkonošaki mjezsobnje předstajić; tačelekaj stejitej k dispoziciji.
Jazz a awkcija we Wjelkowje
Artisća-komedianća skupiny Tridiculous (na foće) słušeja k ...
Křižowka (28.06.24)
Wodorunje: 3 kulturna epocha, 6 wjednik cyrkwinskeho chóra, 7 starobny pjenjez, 8 mužojo muslimow/hindu maja jón na hłowje, 11 južny płód, 14 jabłukowe wino, 15 wulke morja, 16 přewidny, njemućeny
Padorunje: 1 dźěl mustwa, 2 februar čěsce, 3 wjes blisko Radworja, 4 wubědźowanišćo, 5 něhdyši přistaw Roma, 9 zwjazk, pakt, 10 hnadny knjez, 12 běži do Dunaja, 13 Rutsch serbsce
Dobyćerjo křižowki z mytami
7. junija w Serbskich Nowinach wozjewjena křižowka z mytami bě tónraz předewšěm na swójby wusměrjena. Mnozy čitarjo su sej tuž hłójčku łamali, křižowku wuhódali a nam prawe wuhódanje „Łužiska jězorina“ připósłali.
Redakciska fortuna dyrbješe dobyćerjow wulosować. Nad zastupnym lisćikom za swójby do Małowjelkowskeho prazwěrjenca wjeselić smě so swójba Lorencec w Njebjelčicach. Mały fanowy paket za Europeadu, přewostajeny wot Serbskeje kulturneje informacije připósćelemy Andreasej Pašce w Smječkecach. A swójba Čornakec w Radworju dóstanje w LND wušłu BOOKii-knihu wo hwězdach.
Rozhłós (28.06.24)
njedźelu hornjoserbsce
11:00 Łužica tutón tydźeń a live-rozprawy z Europeady
11:20 Rogeński park: pućowanje a wustajeńca
12:00 nabožne wusyłanje
(Krystof Rummel)
po tym zbožopřeća
delnjoserbsce
12:30 Aktualny magacin, mjez druhim z live-reportažu hry serbskeje wubranki na Europeadźe
13:00 Kolumna „Tak ja to wiźim“
13:15 Tematiske wusyłanje: Harald Kóńcak 70nik
13:40 Nabožne wusyłanje
(Christiana Piniekowa)
po tym zbožopřeća
