Z wudaća: štwórtk, 22 awgusta 2019

W nowej legislaturje budu w Rakecach horco diskutować

Rakecy (JK/SN). Nimale tři měsacy po komunalnych wólbach je so tež Rakečanska nowa gmejnska rada k swojemu konstituowacemu posedźenju zešła. Wčera móžeše wjesnjanosta Swen Nowotny (CDU) přitomnych dwanaće čłonow rady spřisahać. Třo zamołwjeni čłonojo złoža spřisahu na přichodnym posedźenju. Komunalne wólby w meji njejsu so na politiske poměry w gmejnskim parlamenće bytostnje wuskutkowali. Wutworiłoj stej so w radźe dwě frakciji, a to Zjednoćenstwo swobodnych wolerjow a frakcija CDU. Nimo toho budźetaj dwaj čłonaj rady jako jednotliwcaj w gmejnskej radźe skutkować, jedyn z njeju je zastupjer AfD. Tale strona móhła po wólbnym wuslědku samo dwě městnje w gmejnskim parlamenće wobsadźić, k wólbam pak bě jenož jednoho kan­didata na­stajiła.

Chrósćicy (SN). Štóž ze Zejic do Chrósćic jědźe, je minjene dny zawěsće hižo nowu atrakciju wsy widźał, mjenujcy wulki nasćěnowy wobraz na Kralec statoku. Nimale tři tydźenje je Berlinski grafikar Šćěpan Hanuš na kromje Chrósćic dźěłał a wobraz „Serbske potajnosće“ stworił. Je to dobyćerski projekt krajneho wjesneho kuratorija we wobłuku wubědźowanja sakskeho ministerstwa za wobswět a ratarstwo „Ideje za wjesnu kónčinu“. Nastata twórba njewabi jenož wóčko, ale pohnuwa zdobom k rozmyslowanju wo hódnotach, žiwjenskim nastajenju a socialnych poćahach. Wobraz chcedźa jutře w 13 hodź. přepodać. Přitomni budu nimo Šćěpana Hanuša statny sekretar dr. Frank Pfeil, Chróšćanski wjesnjanosta Marko Kliman (CDU), jednaćel krajneho wjesneho kuratorija Peter Neunert a dalši hosćo. Tež zajimcy su wutrobnje witani.

Na čitanje a wodźenje

22.8.–28.8.2019 Budyski filmowy palast:

A Toy Story: Alles hört auf kein Kommando: wšědnje 14:45 (nimo pj), 17:00 (nimo nj) a 20:00 (nimo nj a pó) | nj12:30, 17:15 a 19:30 | pó 20:30 Once Upon A Time in ... Hollywood: wšědnje 16:45 a 19:30 (nimo štw) | štw 20:00 | pj a so 22:15 Leberkäsjunkie: štw 20:00 | nj 17:00 Annabelle 3: pj a so 22:45 Benjamin Blümchen: nj 11:45 | štw, so, pó a wu 14:00 Playmobil: nj 14:30 Die Drei !!!: wšědnje 14:30 (nimo pj a srj) Pets 2: wšědnje 16:00 | nj 12:30 Fast and Furious: Hobbs and Shaw: wšědnje 17:15 (nimo nj a pó) a 20:00 (nimo štw) | pj a so 22:45 Der König der Löwen: wšědnje 18:00 | nj 13:45 | štw, so a wu 14:30 Der König der Löwen w 3 D: wšědnje 20:30 (nimo pó) | pj a so 23:00

Kino-ekstra: Kursk: nj 14:30, 17:15 a 20:15

Wojerowski CineMotion:

A Toy Story: Alles hört auf kein Kommando: wšědnje 15:15, 17:30 a 20:15 | so a nj 13:00 Anna­belle 3: pj a so 22:40 Benjamin Blümchen: wšědnje 15:00 (nimo nj) | nj 12:00 Child’s Play: pj a so 22:45 Der König der Löwen: wšědnje 14:45, 17:15 a 19:40 (nimo nj) | so a nj 12:20 | nj 20:05 Die Drei !!!: so 12:45 Die Frau des Nobelpreisträgers: srj 10:00 Ein Becken voller Männer: srj 17:00 Fast and Furious: Hobbs and Shaw: wšědnje 16:30 (nimo nj) a 20:00 | nj 17:20 | pj a so 22:25 Mein Lotta-Leben – Alles Bingo mit Flamingo: nj 14:00 Once Upon A Time in ... Hollywood: wšědnje 17:00 (nimo srj) a 19:30 (nimo nj) | nj 19:40 | pj a so 22:10 Pets 2: wšědnje 14:30 (nimo nj) | so 12:30 | nj 12:55 Playmobil: nj 15:00

Muža z Nysy wućahnyli

Krušwica. Policiju a wohnjowu woboru wołachu předwčerawšim k namjeznemu mostej w Krušwicy. Tam dyrbjachu wochłódnjeneho muža bjez wědomja z Nysy wućahnyć. Sanitetarjo dowjezechu jeho­ do chorownje. Na pólskej stronje rěki­ namakachu policisća drastu muža, ale žane dokumenty wo jeho identiće. W cho­rowni so pozdźišo wukopa, zo jedna so při wuchowanym wo 85lětneho pól­skeho staćana, za kotrymž policija hižo­ pytaše.