Při wysokim saku maturanća SGB dominowali
32. wolejbulowy duel mjez wučerjemi a maturantami skónči so minjeny tydźeń na Serbskim gymnaziju Budyšin z jasnym wuspěchom 3:0 za młódšu generaciju.
Prěnja tajka wolejbulowa hra wotmě so srjedu, 11. nowembra 1992, w małej sportowni serbskeho kubłanišća. Tehdy přesadźichu so dwanatkarjo přećiwo pedagogam 2:1. A na kóncu kóždeho šulskeho lěta sćěhowaše mjeztym 32 tradicionelnych duelow.
Za zwólniwosć k rizikam
Vatikan (B/SN). Njedawno je bamž Franciskus měšnikow, rjadnicy a rjadnikow k zwólniwosći k rizikam namołwjał. „Wšitkim, wospjetuju wšitkim mamy něžnosć a smilnosć Boha posrědkować. Prošu nječwělujće so spowědacych.“ Po jeho měnjenju trjeba cyrkej wodaće a měšnicy su grat wodawanja, dokelž je přemało lubosće a přewjele hidy na swěće.
Hłós cyrkwje faluje
Passau (B/SN). Něhdyši kanclerski kandidat CDU Armin Laschet rjekny swjatki němskim nowinam, zo so cyrkwje přewjele „ze sobu zaběraja. W tuchwilnym času eklatantneho towaršnostneho šćěpjenja hłós cyrkwje faluje.“ Nastaty wakuum wupjelnjeja nětko populisća a narunanske nabožiny, Laschet wobžaruje.
Křesćanska wěra w Chinje
Widźał, słyšał, napisał (27.05.24)
Awtorka dźensa
Halena Jancyna
Lube čitarki a lubi čitarjo kolumny! Tuchwilu wjerći so wšitko wo wosebity sportowy nastroj. Mjenujcy koparski bul. Wšako stejitej wosebitej zarjadowani před sportowymi durjemi. Wjetšina z was budźe sej tón abo tamnu hru zawěšće wobhladować. Zawěrno sej wjetšina Serbow hry Europeady wobhlada, wšako budźetej tam dwě mustwje Serbow startować. Ale tež koparske europske mišterstwo w Němskej toho abo tamneho zawěsće putaja.
Serbska wubranka muži za Europeadu 2024 nominowana
Koparjo Serbskeho mustwa za lětušu Europeadu su wčera wječor w Janšojcach testowu hru přećiwo mustwu SJ Zeleno-Běli Lubin přewjedli. Po hrě předstajištaj zamołwitaj trenarjej Frank Ričel a Sven Ballack nominowany kader mustwa.
Sport (24.05.24)
Wólnočasny wolejbul
W sportowni Serbskeho šulskeho a zetkawanskeho centruma přewjedu wučerki a wučerjo Serbskeho gymnazija Budyšin dźensa swoje tradicionelne wólnočasne wolejbulowe wurisanje „Nalětni wolejbulowy turněr“. Hrać budźe so wo pokal Spěchowanskeho towarstwa Serbskeho gymnazija Budyšin. Wosom přeprošenych cyłkow zetka so we 18 hodź. a hrać budźe so wot 18.30 hodź.
Serbski koparski derby
We wokrjesnej lize stafla I přewjedźe so njedźelu připołdnju serbski koparski derby mjez druhim z koparskim cyłkom Sportoweje jednotki Chrósćicy a prěnim mustwom Marijineje hwězdy. Pančičenjo, kiž steja na štwórtym městnje tabulki, su hladajo na zaměstnjenje faworizowane mustwo. Po tym wočakuje prěnje mustwo SJ Chrósćicy cyłk z Radeberga.
25.05. 13:00 Lubuš II – SJ Njebjelčicy
25.05. 15:00 Módro-běli Kulow –
ST Horni kraj-Sprjewja
25.05. 15:00 Rakečanske ST –
Módro-běli Zschachwitz
26.05. 12:30 SJ Chrósćicy II – ST Marijina hwězda
26.05. 12:30 HZ Ralbicy/Pančicy II –
HZ Halštrow/Hlinowc II
26.05. 13:00 Jednota Kamjenc –
FSV Łuty II
26.05. 14:00 Zeleno-běli Sepicy –
Wul. Dubrawa/Radwor II
26.05. 15:00 SJ Chrósćicy –
Radebergerske ST
26.05. 15:00 Drohotka Ramnow –
Po dobyću snano tola bjez dypka
SJ Motor Kumwałd –
SJ Chrósćicy II 1:6 (0:3)
Zestawa hosći: Škoda – L. Zahrodnik, M. Donat, T. Donat, J. Donat (75. Mark), Młynk (68. Liznar), Handrik, G. Zahrodnik, Matješk, Graf (75. Klemenc), Kř. Zahrodnik (68. B. Donat)
Hnydom w prěnich linkach tuteje rozprawy měło so pisać, zo móže so stać, zo so sportowe sudnistwo Zapadołužiskeho koparskeho zwjazka bórze hromadźe sydnje a druhemu mustwu SJ Chrósćicy dobyte tři dypki zaso wotewza. Najskerje njejsu zamołwići SJC prawidło wobkedźbowali, kotrež postaji ličbu zasadźenych hrajerjow z prěnjeho mustwa SJ Chrósćicy. Zašły pjatk běchu so mjenujcy wjacori hrajerjo wobeju koparskeju cyłkow SJ Chrósćicy na nachwatansku hru do Kumwałda podali.
Wuslědki (23.05.24)
Wokrjesna liga stafla I
Motor Kumwałd – SJ Chrósćicy II 1:6 (0:3)
1. Arnsdorfske KT 24 81 : 32 54
2. ST Porchow 24 67 : 33 54
3. Bretnig-Hauswalde 24 83 : 46 52
4. ST Marijina hwězda 24 66 : 35 44
5. TSV Wjazońca 24 61 : 35 42
6. SZ Steinigtwolmsdorf 24 63 : 56 33
7. HZ Huska/Hodźij 24 51 : 53 32
8. Motor Kumwałd 24 65 : 64 31
9. TSV Wjernarjecy 24 53 : 65 29
10. HZ Frankenthal 24 41 : 65 29
11. SJ Chrósćicy II 24 42 : 57 27
12. ST Wjelećin 24 45 : 61 27
13. HZ Rakecy/Minakał II 24 37 : 99 20
14. SZ Drjewnica 24 20 : 74 9
Pěskečenjo po krimiju swójski turněr dobyli
Roman Mejgl, Frank Měškank, Markus Kobalc, Paul Hrjehor, Robert Lejnart, Handrij Šwejda, Gregor Čornak abo Florian Dórnik – lisćina serbskich koparskich legendow, kiž wojuje lěto wob lěto za swoje ródne wsy w Pěskecach wo pokal swjatki póndźelu, by hišće wo wjele dlěša być móhła. A to je jedna z přičinow, čehoždla je turněr tež hišće po tójšto lětach tak woblubowany. Stare zajacy měrja hromadźe z młodymi talentami swoje mocy a při kromje hrajnišća diskutuja lubowarjo kopańcy wo dwubojach, wrotach a dalšich temach. Młodźi fanojo nazajtra wo tym sonja, za někotre lěta tež na hrajnišću stać směć.
Spočatnje mjenowani hrajerjo běchu tež wčera zaso přitomni, jako so krótko do 13 hodź. wosom mustwow wokolnych wsow k zahajenju turněra nastupi. Nawodaj turněra, Fabian Korjeńk a Křesćan Bejmak po witanju hnydom na to apelowaštaj, zo steji fair-play na prěnim městnje. To su tež wšitke mustwa hač do kónca dosć derje dodźerželi, tak zo njemějachu sudnicy Pascal Budar, Sven Dankhoff, Heiko Hejduška a Enrico Förster přewjele nuzy, hry wjesć.
Po pjeć lětach zaso w třećej lize
Hertha BSC II –
FC Energija Choćebuz 0:2 (0:2)
Zestawa FC Energije: Bethke – Slamar, Campulka, Hildebrandt, Bretschneider, Putze (69. Pelivan), Hofmann, Hasse (78. Juckel), Proničew, Heike, Krauß (69. Halbauer)
wrota: 0:1 Putze (15.), 0:2 Proničew (24.)
Po tym zo je FC Energija Choćebuz, tydźenja doma šansu postupić ležo wostajiła, poradźi so jej na poslednim hrajnym dnju regionalneje ligi wuspěch 2:0 pola Herty BSC II. Z tym je FCE z třomi dypkami předskoka mišterstwo w regionalnej lize sewjerowuchod za sebje rozsudźiła a postupi z tym direktnje do třećeje najwyšeje němskeje koparskeje klasy.
Přewodźana wot 8 000 fanow sadźi FCE po měrnym starće hižo bórze akcenty, kotrež buchu zahe přez wrota Joshua Putze mytowane. Dźesać mjeńšin pozdźišo wodźeše Maximilian Proničew bul wušiknje do wrotow domjacych. Tež bjez Timmy Thiele, kotryž pjateje žołteje karty dla hrać njesmědźeše, běžeše nadběhowa mašinerija na wysokich turach, njeposkićejo domjacym žanu šansu.
Pančičenjo načolnika mjerzali
ST Marijina hwězda –
Arnsdorfske KT 2:2 (1:2)
Zestawa domjacych: D. Matik – B. Zynda, K. Pakoßnik (46. J. Ladewig), R. Cyž, M. Wróbl, J. Clausen (46. Pa. Lugge), Ch. Cyž, A. Eldor, F. Peschmann, J. Pakoßnik, J. Zelnak
Na 24. hrajnym dnju bě načolnik tabulki wokrjesneje ligi z Arnsdorfa w Pančicach-Kukowje z hosćom.
