Zhladuja na 30 lět nazhonjenjow w serbskim rozhłosowym dźěle

Budyšin (SN/JaW). Dokładnje wot 6. januara 2020 budźe Serbski rozhłós w nowych časach wusyłać. To je nawodnica Serbskeho rozhłosa a Budyskeho studija MDR Bogna Korjeńkowa našemu wječornikej tele dny wobkrućiła. „Wot póndźele do pjatka słyšiće serbski program hač do dźewjećich, sobotu hač do dźesaćich. Njedźelu wostanje při dotalnej połdra hodźinje hornjo- a połdra hodźinje delnjoserbskeho programa“, Korjeńkowa wuswětli. Nastupajo serbskorěčny telewizijny program so ničo njezměni.