Kak móhli Němcy w Danskej eksport do Němskeje podpěrać
Němska mjeńšina w Danskej ma eksport tworow z Danskeje do susodneje Němskeje naslědnje sobu polěpšować. Danske wonkowne ministerstwo skedźbnja w swojej nowej strategijowej papjerje k zesylnjenju eksportoweho wikowanja z Němskej cyle jasnje na němsku mjeńšinu w Sewjernej Schleswigskej jako wažneho multiplikatora w tejle naležnosći.
„Knježerstwo chce zhromadne dźěło z němskimi mjeńšinowymi šulemi w kraju ze specifiskim zhromadnym skutkowanjom z Němskim šulskim a rěčnym towarstwom kaž tež z dalšimi institucijemi Zwjazka němskich Sewjeroschleswigčanow (BDN) přisporić. Tež z wida na potrjebu a móžnosće měli so zwiski k Němskej zesylnić“, su sej w Danskej za jedyn z cilow stajili.
