Jakarta (B/SN). Jězba bamža w septembrje do Indoneskeje je po měnjenju najwjetšich islamiskich zjednoćenstwow z 50 milionami čłonami dobra składnosć k zesylnjenju dowěry a harmonije mjez nabožnymi zhromadźenstwami. Indoneski islam je tolerantny napřećo druhim nabožinam, ale minjene lěta su so radikalne islamske prudy zesylnili.

Ruska słuša za blido

Kiew (B/SN). Kardinalny statny sekretar Pietro Parolin je pjeć dnjow w Ukrainje přebywał a žada sej wot mjezynarodneho zhromadźenstwa wjace podpěry. „Wot skónčenja wójny smy daloko zdaleni. Ruska słuša při měrowych jednanjach za blido.“ Parolin je spokojom, zo prezident Zelenskyj to dowidźi.

Dušepastyrstwo na olympiadźe

Bonn (B/SN). Ewangelska a katolska cyrkej w Němskej chcetej zhromadnje němskich atletow w Parisu podpěrać, zo tući inspiracije a tróšt dóstanu, k měrej přińdu, mocy čerpaja a zo so jim w krizowych situacijach trěbna pomoc skići. Za 800 čłonow němskeje delegacije je dušepastyrstwo wodnjo a w nocy zaručene.

Kupanje zaso móžne