Za Worklecy hrajachu: Beno, Jakub a Jan Bobka, Marko Bresan, Ludwig Eckert, Elias Kummer, Marcel Rjelka, Józef Šnajder, Benedikt Šołta a Sćěpan Wjeńka
Sezona w sakskej klasy bě so za Worklečanskich wolejbulistow njepřihódnje z ćežkimaj wonkownymaj hromaj přećiwo faworitam zahajiła. Tutej Worklečenjo wočakowanjam wotpowědujo přěhrachu a tuž najprjedy z nul dypkami w tabulce stejachu. Ćim wjetše bě předwjeselo na prěni domjacy hrajny dźeń, na kotrymž měješe so tež na kóždy pad prěnje dobyće docpěć. Šansy běchu dobre. Skónčnje so zdobom młodźi hrajerjo zasadźichu, tak zo steješe Worklečanskemu mustwje nětko tež wjele šěrši kader k dispoziciji. Ralbičanska sportowa hala, w tutej sezonje domjace hrajnišćo Viktorianorow, bě zwjeselace derje pjelnjena, a knježeše dobra nalada.
Viktoria Worklecy –
Coswig-Mišno 3:0
(25:16, 25:20, 25:21)
