Krajny ligist bjez šansy był
ST Wacker 09 Choćebuz-Strobice – FC Energija Choćebuz 0:6 (0:4)
Zestawa hosći: Bethke (46. Moye) – Wagner, Hildebrandt, Kaizer (46. Böhmert), Hasse (46. Juckel), Erlbeck (46. Eisenhuth), Kujović, Geisler, Schulz, Engelhardt (46. Kremer), Zografakis
slěd wrotow: 0:1 Kaizer (19.), 2:0, 3:0, 4:0 Engelhardt (37., 39., 41.), 5:0 Wagner (77.), 6:0 Kremer (79.)
Po dospołnje jednostronskej partiji přećiwo krajnemu ligistej z Choćebuskeho měšćanskeho dźěla Strobice (Ströbitz) je FC Energija na kumštnym trawniku w stadionje na juhu města 6:0 dobyła.
Hattrick (hlej slěd wrotow) poradźi so Erikej Engelhardtej z trojimi wrotami w běhu pjeć mjeńšin. Rjenje tež bě, zo móžeše šeftrenar Claus-Dieter Wollitz po dołhim času zranjenja zaso Maxa Kremera zasadźić, kiž je w 79. min. šeste a zdobom poslednje wrota partije třělił. Probowych hrajerjow Energija w kadrje njeměješe, za to pak pjećoch mło- dźiny A. Georg Zielonkowski
Sportowe wubědźowanja swěta 2022
Spočatk lěta so stajnje mały wid do přichoda wudanja, štož dalše planowane sportowe zarjadowanja nastupa. Na regionalnym polu to koronapandemije dla tučasnje móžno njeje, dokelž budźe mnoho wubědźowanjow krótkodobnje planowanych. Štož pak profesionelne wulkozarjadowanja nastupa, je chětro wěste, zo so wone w lěće 2022 wotměja. Prašenje jenož je, hač z abo bjez přihladowarjow. Tule krótki přehlad najwjetšich lětušich sportowych wurisanjow.
Wot spočatka januara wojuja w sportowej družinje kopańca najlěpše cyłki z Afriki w Kamerunje wo tak mjenowany Afrika-cup! 24 teamow je pódla, mjez nimi zakitowar pokala, mustwo z Algeriskeje.
Hižo 13. januara su so w Madźarskej a Słowakskej europske mišterstwa w mjetańcy muži zahajili. Němska wubranka je tohorunja wobdźělena, njesłuša pak runjewon k faworitam turněra, mjez druhim tež, dokelž tójšto wustojnych hrajerjow priwatnych přičin dla tónraz pódla njeje.
Pólsku suwerenje přewinyli
Tabulki (19.01.22)
Koparski wokrjes Hornja Łužica
wokrjesna liga młodźina E, stafla 1
1. VfB Běła Woda 1909 7 60 : 9 21
2. ST Lok Slepo II 7 64 : 27 18
3. ST Lok Slepo 7 55 : 41 13
4. HZ ST Klětno/Hamor 7 33 : 32 12
5. ST Fortuna Trjebin 1996 7 22 : 24 7
6. HZ FC Wocl Rěčicy-jězor 7 26 : 37 6
7. HZ SV Uhsmannsdorf 7 28 : 52 6
8. Čerwjeno-běli Mužakow 7 11 : 77 0
wokrjesna liga młodźina E, stafla 2
1. HZ Zeleno-běli Gersdorf 5 29 : 7 15
2. SV Königshain 7 26 : 28 13
3. SV Arnsdorf-Hilbersdorf 7 36 : 29 12
4. ST Hbjelsk 1923 6 22 : 29 10
5. Holtendorfske ST 5 43 : 21 9
6. ST Natwar Kodersdorf 5 19 : 24 5
7. SV Ludwigsdorf (holcy) 5 21 : 27 4
8. ST Germania Zhorjelc 4 13 : 18 3
9. Přezjednota Niska II 6 14 : 40 1
wokrjesna liga młodźina E, stafla 3
1. HZ SG Leutersdorf 6 47 : 17 18
2. FSV Wódrjeńca 02 5 40 : 12 13
3. TSV Herwigsdorf 1891 6 52 : 15 12
4. Bertsdorfske ST 6 25 : 23 9
5. HZ SV Ludwigsdorf 48 6 34 : 42 9
6. HZ Ochranowske ST 90 6 21 : 39 7
7. HZ FSV Nowosólc-Hródk 6 25 : 34 6
8. HZ Mittelherwigsdorf 7 23 : 62 4
9. ST Łuwoćicy 96 6 13 : 36 1
wokrjesna liga młodźina F, stafla 1
1. HZ Natwar Kodersdorf 5 5 : 0 15
2. VfB Běła Woda 1909 5 4 : 2 11
3. FC Wocl Rěčicy-jězor 5 3 : 2 9
4. ST Lok Slepo 5 2 : 3 6
5. HZ Arnsdorf-Hilbersdorf 5 1 : 4 3
6. Čerwjeno-běli Mužakow 5 1 : 5 1
wokrjesna liga młodźina F, stafla 2
1. Zeleno-běli Gersdorf 5 5 : 0 15
2. TSV Herwigsdorf 1891 5 3 : 2 9
3. Holtendorfske ST 5 2 : 3 6
3. SC Swóńca-Lubij 5 2 : 3 6
3. SV Königshain 5 2 : 3 6
6. GFC Rauschwalde 5 1 : 4 3
wokrjesna liga młodźina F, stafla 3
1. Schönbachske KT 7 7 : 0 21
2. Ochranowske ST 90 7 5 : 2 15
3. HZ TSV Großschönau 6 5 : 2 14
4. HZ ESV Lok Žitawa 6 3 : 3 9
Tójšto wrotow w dwěmaj hromaj, ale žadyn wunošk
Hra na wrota bohata była
Lawy Frankfurt – Łužiske lodohokejowe liški 6:4 (1:1, 1:1, 4:2)
Štwore wrota pola třećeho tabulki dyrbiš najprjedy raz třělić. Łužiske lodohokejowe liški su to přećiwo Lawam z Frankfurta zdokonjeli. Přiwšěm so z prózdnymaj rukamaj wróćichu.
Budyska kopańca a Serbja
Na prašenje, hač su młodźi Serbja rólu w Budyskej kopańcy hrali resp. w kotrym rozměrje, móžemy po dotalnej wědźe tole wotmołwić: Do wójny bě rodźeny Wotrowčan Beno Šołta wrotar w mustwje Budissy. (Přispomnjenje: W lěće 1904 załožene sportowe zjednoćenstwo da sej mjeno po měsće Budyšinje, kotrež su hač do lěta 1868 němsce Budissin pisali.) Po wójnje hraješe Handrij Cyž, wučer Budyskeje Serbskeje wyšeje šule (SWŠ) a pozdźiši direktor Serbskeho ludoweho ansambla, krótki čas za mustwo Budyšin-zapad, po tym zo bě do toho Radworskej Slawiji přisłušał.
Wot hrajneho lěta 1952/1953 wobdźěleše so mustwo SWŠ na dypkowych hrach młodźinskeje wokrjesneje klasy. Tutón cyłk hraješe zwjetša na sportnišću „Aufbauplatz“ – tam při Wuričanskim puću natwarichu pozdźišo Hoopowu šulu. Staršim přećelam sporta budu drje mjena zakładneje zestawy znate: Jurij Kilmorgen, Gerat Libš, Korla Kašpor, Horst Hantuš, Rudi Trječk, Dieter Tannert, Klaus Wawer, Jan Wornar, Pětr Šołta, Mikławš Křiženk, Dieter Reinig. Po wotchadźe sylneho lětnika 1953 hrajachu někotři jenož hišće w mustwje Jednoty Budyšin.
Tabulka (18.01.22)
Němska lodohokejowa liga DEL 2
staw po 33 hrajnych dnjach
1. Lodowe lawy Drježdźany 34 71
2. Ravensburg Towerstars 31 70
3. Lawy Frankfurt 32 67
4. EC Bad Nauheim 34 62
5. Lodowi piraća Crimmitschau 34 58
6. EC Kassel Huskies 33 57
7. Heilbronnske sokoły 36 50
8. Tölzske lawy 34 45
9. EHC Freiburg 31 43
10. ESV Kaufbeuren 34 42
11. Łužiske liški 33 38
12. EV Landshut 32 37
13. Bayreuthske tigry 31 34
14. Selbske wjelki 33 19
Sportowcy SGB hotuja so na krajne finale
Hač do zymskich prózdnin njehodźa so žane wubědźowanja we wobłuku „Młodźina trenuje za olympiju“ přewjesć. Sportowi koordinatorojo wuchodneje Sakskeje pak su optimistiscy a so 20. januara zeńdu, zo bychu plan za móžne wurisanja přihotowali, jeli kultus tomu přihłosuje. Wolejbulisća wšitkich štyrjoch starobnych skupin na Serbskim gymnaziju Budyšin (SGB) so na móžny plan B wjesela a po pjatkach zahoriće trenuja. Wothłós je njesměrnje wulki, a tak móža šulerki a šulerjo 9./10. lětnika a 11./12. lětnika jenož dwutydźensce zwučować, dokelž je jich wjac hač pjećdźesat. A su-li raz wučerki a wučerjo pódla, je přidatna motiwacija w hrach garantowana. Najlěpše wuhlady za docpěće sakskeho finala maja hólcy 9. do 11. lětnika, kotrež su wokrjesne wolejbulowe finale suwerenje dobyli.
Widźał, słyšał, napisał (17.01.22)
Swój štwórty a posledni dźěl stawiznow wolejbula na serbskich šulach wěnuju hłownje 1980tym lětam a wuspěcham šulerjow SRWŠ Budyšin. W cyłkownej dekadźe je so hólče mustwo na dypkowych hrach 1. ludosportoweje klasy muži našeho wokrjesa wobdźěliło, startujo za Rotaciju Budyšin III. W sezonje 1988/1989 docpěchu woni z 2. městnom najlěpši wuslědk. Nazymu 1979 bu prěni šuler SRWŠ k wolejbulowemu klubej SC Dynamo Berlin delegowany. Maćij Nuk, tehdy šuler 10. lětnika, so tam dale wukmani a hraješe wot 1983 do 1985 pola mužaceho cyłka w najwyšej lize NDR (dźensa 1. zwjazkowa liga). Po tym zo běch w septembrje 1984 jako młody sportowy wučer SRWŠ Budyšin pjatkownu wolejbulowu AG přewzał, docpěchu hólcy 10. a 11. lětnika 3. meje 1987 swój prěni wulki wuspěch. Na mišterstwach wobwoda Drježdźany wudobychu sej w starobnej skupinje 15/16 wurjadne 3. městno, a to za Rotaciju Budyšin. Bronza bě sensacija, wšako smy jako šulske mustwo wolejbulowe zjednoćenstwa našeho wobwoda přewinyli. Móžu so dopomnić, zo stejachu w prěnjej šestce hnydom štyrjo Tomašojo na hrajnišću – kapitan Kaltofen, Žurk, Kič a Šuster.
Sport (14.01.22)
Testowej hrě Energije
Bjez přihladowarjow (staw dźensa 12 hodź.) přewjedźe regionalny koparski ligist FC Energija Choćebuz jutře testowu hru doma přećiwo wyšemu ligistej Hertha Zehlendorf. Generalka do starta ligi budźe 21. januara pola ligoweho konkurenta Hertha BSC II w Berlinje.
Pytaja koparja lěta
26 króć je mustwo FC Energije Choćebuz w kalendariskim lěće hrało a cyłkownje 30 koparjow zasadźiło. Nětko móža přiwisnicy FCE w interneće hač do 31. januara „koparja lěta FC Energije“ wolić.
Bórze kónc megapochoda
Lětuši wirtuelny megapochod wobornikow hodźi so hišće hač do 22. januara indiwiduelnje přewjesć. Zarjadowarjo a wuhotowarjo wokoło Haralda Skopija (Dobrowólna wohnjowa wobora Narć), Roberta Noveho (Wjesny předstejićer Narća) a Diany Franke-Skopi přewjedu darowanski pochod po łužiskim rewěrje. Jedna so tu wo ćah wuchowanskich mocow, kotrež zběraja pjenjezy za chore dźěći. Wšitke informacije za 112 kilometrow dołhi pochod bjez wubědźowanskeho charaktera steja na . Přizjewjenja za jednotliwcow a skupiny su pod móžne.
Lodohokej zaso z fanami
