Worklečenjo na nowu sezonu derje přihotowani
Worklečanscy wolejbulisća běchu swój přihot na nowu sezonu w sakskej klasy hižo spočatk awgusta zahajili. Do toho wabjachu horce temperatury časćišo na bičwolejbulnišćo hač do hale. Nětk pak běchu hrajerjo Viktorije dźakowni za přeprošenje na derje wobsadźeny halowy turněr w Choćebuzu, kotryž běše za tamniši CVV tohorunja test do starta hrajneje doby. Wot 12 mustwow, kotrež w hali při Poznańskej dróze nastupichu, słušeše 10 do Braniborskeje krajneje klasy a krajneje ligi. Mustwje 11 a 12 pochadźeštej ze Sakskeje. Běštej to lońši mišter a aktualny krajny ligist Módro-běli Wojerecy a naši Worklečenjo. Bohužel pobrachowachu na tutym dnju hrajerjam z Worklec někotři nazhonići hrajerjo. Tak steješe kapitan Ludwig Eckert zranjeneho porsta dla tónraz jenož jako trenar při nabóčnej liniji. Z pjeć hrajerjemi z druheho mustwa pak mějachu přiwšěm sylnu jednotku na hrajnišću, kaž so w běhu turněra skutkownje pokaza. Runje to je tež hłowna mysl serbskeho mustwa w tutej sezonje. Młodych hrajerjow chcedźa łahodnje prěnjemu mustwu zbližić a integrować.
Snadne dobyće gymnazija
Třělcowski swjedźeńw Osnabrücku
VfL Osnabrück – FC Energija Choćebuz 2:5 (1:2)
Zestawa FC Energije Choćebuz: Bethke - Hasse, Kusic, Slamar, Borgmann (85. Bretschneider), Pelivan, Möker (86. Hofmann), Cigerci (59. Proničew), Copado (59. Halbauer), Thiele, Krauß (67. Juckel).
slěd wrotow: 0:1 Thiele (17.), 1:1 Simakala (23.), 1:2 Copado (30.), 2:2 Engelhardt (67.), 2:3, Proničew (70.), 2:4 Thiele (81.), 2:5 Halbauer (89.)
sudnica: Fabienne Michel (Gau-Odernheim)
přihladowarjo: 14.439 (mjez nimi 500 Choćebužanow)
Z hoberskim sebjewědomjom je so FC Energija w stadionje VFL Osnabrück prezentowała. Drje mějachu hosćićeljo najprjedy lěpšiny w hrě, kotrež so z třělom na žerdź wrotow hosći krónowachu – za wrota pak njedosahaše. Tola po tym zo poradźichu so Timmy Thiele wulkotne wrota a z tym nawjedowanje, pokazachu Choćebuženjo swoje mjeztym hižo wěste a znate hrajne kombinacije. Z tuteje přičiny zadźiwachu wrota přećiwnika a z tym wurunanje cyły publikum. Tola Niclas Copado postara so wo dalše wrota za FC Energiju Choćebuz. Tak podachu so Choćebuženjo połni dowěry a sebjewědomja do druheho połčasa, w kotrymž móžachu VfL překwapić.
Wuslědki (25.09.24)
Kopańca, 3. liga, čoło tabulki
1. SV Sandhausen 7 13:7 16
2. FC Rudne horiny Aue 7 13:8 16
3. Dynamo Drježdźany 6 12: 8 13
4. FC Energija Choćebuz 7 18:11 12
5. Viktoria Köln 6 11:6 12
6. Wehen Wiesbaden 7 12:10 11
Štwórtu hru za sobu přěhrali
SJ Chrósćicy II – FSV Bretnig-Hauswalde 1:4 (1:2)
Zestawa domjacych: M. Mark – M. Donat (82. Klemenc), K. Mark, F. Zahrodnik, Sćapan (46. Lehmann), Budar, Liznar (82. Kola), Bjeńš (61. M. Zahrodnik), G. Zahrodnik, B. Donat (77. Hojer), Kř. Zahrodnik
Rezerwa Chróšćan sportoweje jednotki witaše zašłu njedźelu mustwo z Bretnig-Hauswalde. Přećiwo cyłkej, kiž měješe do hry jenož dypkaj wjace hač Chróšćenjo na dypkowym konće, dyrbješe skónčnje prěnje dobyće wuskočić.
W čěskim měsće Ustí nad Labem je so njedźelu serbska trójka ...
Wuspěšnje dobyće swjećili
ST Kinspork/Łužnica – ST 1922 Radwor 0:6 (0:2)
Za Radworske mustwo zasadźeni: Šěrak – B. Grubert, Omran (76. L. Pěčak), M. Dźisławk, Wjeńka, Wjesela, Nuk (66. Wjacławk), Schöne (21. M. Grubert), Adam, Wróbl (83. Dej), Glücklich (76. C. Dźisławk)
Na pjatym hrajnym dnju wokrjesneje ligi dyrbjachu Radworscy koparjo do Łužnicy. W tabulce běštej mustwje tabulkowej susodaj, cyłk z Kinsporka pak měješe lěpšu diferencu wrotow. Nimo toho njebě hosćićel w hišće młodej sezonje žane přećiwne wrota dóstał. Na spočatku partije so kontrahentaj tróšku wobčuchaštaj. Radwor pak bě w dwubojach chětro šćipaty a wudoby sej tuž tójšto bulow za sebje. W srjedźnym polu hosćo tak postajowachu a domjacy agěrowachu zwjetša jenož z dołhimi bulemi. Tute pak běchu jenož w prěnim połčasu strašne, dokelž Radworscy zakitowarjo na to hišće nastajeni njeběchu. Ale před šěsnatku móžachu so tute nadběhi, hač na dalše, derje zakitować. Hižo zahe, w 7. min. móžachu Radworčenjo přez daloku třělwu Mateja Wjeńki z nimale 40 metrow 1:0 nawjedować.
Njerozsudny wuslědk za domjacych přemało
Sokoł Ralbicy/Hórki – TSV Wachau 0:0
Zestawa domjacych: Schöne – Rawš, B. Heidorn, Wałda, Mjechela (46. Šołta), Šewc (86. Woko), Korjeńk, Gloxyn, Mikławšk (57. L. Heidorn), Bejmak (77. Rachela), Hicka (57. Domaška)
Po tym zo hrajachu Sokoljo přećiwo sylnymaj přećiwnikomaj z Chrósćic a Rakec naposledk njerozsudnje, chcychu doma přećiwo mustwu z Wachauwa na kóždy pad dobyć. W minjenych lětach běchu Wachauwčenjo tajke něšto kaž najlubši přećiwnik Sokołow, dokelž delanscy koparjo nimale stajnje z třomi dypkami hrajnišćo wopušćichu. Tola wědźo, zo je so přećiwnik w lěće na tej abo tamnej poziciji zesylnił, trenar Ralbičanow Krystof Gloxyn swojich chowancow do hry warnowaše, zo budźe to hinaša hra hač minjene lěta.
Sylny wustup přećiwo sobupostupnikej
FC Energija Choćebuz – VfB Stuttgart II 4:0 (2:0)
FC Energija Choćebuz: Bethke – Hasse, Kusic, Slamar, Bretschneider (71. Borgmann), Pelivan, Ciǧerci (61. Möker), Juckel, Krauß (61. Copado), Thiele (71. Hofmann), Halbauer, (46. Proničew)
slěd wrotow: 1:0 Ciǧerci (29.), 2:0 Ciǧerci (45.+3), 3:0 Proničew (51.), 4:0 Proničew (75.)
Trenar Wollitz překwapi z trochu změnjenej startowej formaciju. Tobias Hasse naruna jako prawy škitar Henryja Roriga a w srjedźnym polu hraješe Janis Juckel za Jannika Mökera. Wobaj přeswědčištaj ze swojimi kmanosćemi a hraještaj nimale bjez zmylka.
Přiwšěm dominowaše sobupostupnik ze Šwabskeje spočatk hry. Tući wuhrachu sej zdobom hobersku šansu za nawjedowanje. Wrota pak na kóncu njetrjechichu. Tola po nimale 20 mjeńšinach tež FCE wěsćišo wustupowaše a prěnje šansy na wrota docpě. Po róžku Tolcay Ciǧerci jednu z tutych šansow wuži. W přidatnych mjeńšinach bě to znowa Ciǧerci, kiž w druhim pospyće změrowacy wuslědk 2:0 docpě.
Wuslědki (24.09.24)
Kopańca
wokrjesna liga, stafla 1
1. Hlinowski SK 1931 5 18 : 5 15
2. HZ Huska/Hodźij 5 13 : 7 10
3. Arnsdorfske KT 5 12 : 8 10
4. TSV Wjazońca 5 13 : 10 10
5. Motor Kumwałd 5 14 : 10 9
6. SZ Steinigtwolmsdorf 5 12 : 8 8
7. HZ Frankenthal 5 7 : 6 8
8. ST Porchow 5 12 : 9 7
9. ST Marijina hwězda 5 1 : 11 6
10. Bretnig-Hauswalde 5 8 : 6 6
11. TSV Wjernarjecy 5 13 : 16 5
12. Rakečanske ST II 5 7 : 25 3
13. SJ Chrósćicy II 5 10 : 19 1
14. ST Wjelećin 5 7 : 20 0
