FSV Optik Rathenow
– Budissa Budyšin 4:1 (1:0)
Zestawa hosći: Ebersbach – Weiß, Patka, Hoßmang, Merkel, Ciapa (81. Wockatz), Langr (58. Mietzelfeld), Treu (58. Krawčik), Schmidt, Schlicht, Bönisch
Na domojjězbu chcychu so koparjo Budissy Budyšin z třomi dypkami podać. Tak rěkaše jasny cil. Optik Rathenow bě dotal mjenujcy jenož jónu dobył, a to na prěnim hrajnym dnju w Neugersdorfje. Po tym poradźi so jemu jenož hišće njerozsudny wuslědk w Fürstenwalde. Słaba to bilanca, kotraž wjedźeše optikarjow w tabulce regionalneje ligi-sewjerowuchod na poslednje městno.