Posledni hrajny dźeń we wolejbulowej wobwodnej lize muži we Worklečanskej ćěłozwučowarni w sezonje 2018/2019 je mnohich přihladowarjow přiwabił. Wšako čakaštej na nich napjatej hrě Viktorije přećiwo načolnikej z Koblic a dotalnemu druhemu tabulki ze Zhorjelca. Po štyrjoch dobyćach za sobu mějachu domjacy samo šansu na titul wicemištra, a chcychu ju doma wězo wužić. Za to pak dyrbjachu direktneho konkurenta CVJM Zhorjelc přewinyć, kotryž ležeše do partije hišće dypk před nimi.
Viktoria Worklecy – CVJM Zhorjelc 3:0 (26:24, 25:22, 25:17)