Pólska zwjazuje wuzwolenje parlamenta z ludowym wothłosowanjom

Waršawa. Wólby parlamenta w Pólskej 15. oktobra su lětsa zwjazane z ludowym wothłosowanjom. Wumysliła bě sej referendum wólbam pod hesłom „Přichod wěstoty kraja“ knježaca narodno-konserwatiwna strona PiS na nastork swojeho předsydy Jarosława Kaczyńskeho. Předpołožić chcedźa Polakam we wólbnych lokalach lisćinu ze štyrjomi prašenjemi. Opozicija pak ludźi namołwja, naprašowanje knježerstwa prosće ignorować.