Domowina a čěscy přećeljo so na dalšu kooperaciju dojednali

Liberec/Budyšin (SN/mb). Pandemije dla je so „Serbske kulturne lěto“ 2019/2020 hakle nětkole woprawdźe zakónčiło. Pjatk je so referent Domowiny za kulturu a wukraj, Clemens Škoda, do čěskeje Łužicy podał, zo by z towarstwom „Societas Amicuum Liberec“ (SAL) aktiwity přećelow Serbow w susodnym kraju wuhódnoćił. Zdobom su na zetkanju w Libereckej knihowni zhromadnje konkluzije za přichod serbsko-čěskich stykow w tutej kónčinje sćahnyli.