Dekrety noweho prezidenta USA Donalda Trumpa zbudźeja njeměr

Waršawa. Zapokazanje noweho prezidenta USA Donalda Trumpa a wosebje jeho prěnje dekrety bjezposrědnje po tym su w medijach Pólskeje hoberski wothłós zbudźili. Jara wobšěrnje rozprawjeja nowiny wo gigantiskim balu prošenych ­hosći w krasnych šatach a woblekach, wo tym, kak je Trump z wulkim tesakom swjedźensku tortu nakrał, abo kak je po podpisanju stow dekretow ludźom pi­saki mjetał. Přiwšěm su reakcije na noweho prezidenta Ameriki rozdźělne.