FSV Optik Rathenow

– FSV Budissa Budyšin 2:1 (0:0)

Zestawa hosći: Jakubov – Kolan, Klippel, Fröhlich, Kral, Hausdorf, Hoßmang, Salewski (61. Heineccius), Reher, Walther, Hansch (76. Kunert)

Po dobytym dypku w Auerbachu, jako hraješe Budissa tam přez dołhi čas jeno z dźesaćomi, nadźijachu so jeje koparjo pola poslednjeho tabulki w Rathenowje na pozitiwny wukon a wuslědk. Hosćićelski cyłk njeje ani hišće jednu domjacu hru dobyć móhł. To chcychu Budyšenjo wězo znowa znjemóžnić. Štož pak woni pokazachu, njebě kopańca, kotraž měła so w regionalnej lize hrać. Běše to arogantny wustup abo snano tola njezamóžnosć? W prěnich dźesać mjeńšinach drje Budissa hru postajowaše, bórze pak hosćićel pytny, zo je tón dźeń tež za njeho něšto móžne. Wón wědźeše, wo čo dźe. Hosćo pak njemějachu po zdaću trjeba wo dypki wojować.