Wobě testowej hrě dobyli

wutora, 12. měrca 2019
artikl hódnoćić
(0 )
William Plaettner (nalěwo, Njebjelčicy), nowopřichad Njebjelčanskeje SJ, je sej w koparskim cyłku hnydom stajne městno zawěsćił. Foto: Jörg Stephan William Plaettner (nalěwo, Njebjelčicy), nowopřichad Njebjelčanskeje SJ, je sej w koparskim cyłku hnydom stajne městno zawěsćił. Foto: Jörg Stephan

SJ Njebjelčicy – LSV Hory 3:2 (1:1)

Zestawa domjacych: Hahn – Matješk, Kral, Wagner, Korjeńk, Hanuza, Hrjehor, Mikławšk, Plaettner, Gödig, Zeller, Ričel, Lejnart, Domš

Dokelž bě testowa hra spočatk ma­łeho róžka wupadnyła, su sportowcy z Horow próstwu wo nachwatanje stajili. Njebjel­čenjo krótkodobnje přizwolichu a přewjedźechu ju pod swětłomjetakami minje­ny pjatk na kumštnym trawniku w Kamjencu. Z młodym Janekom Mikławškom a ze Simonom Zellerom z druheho mustwa přewza trenar Handrij Krawčik dweju noweju do cyłka. Hižo w 5. min. pak ležeše bul we wrotach Njebjelčanow. Po njedorozumjenju mjez Pawlom Hrjehorjom a Nicom Hahnom kuleše so hrajny nastroj k 0:1 do klětki domjacych. Tola hižo we 8. min. Handrij Korjeńk po přihrawce Roberta Lejnarta wuruna. Wočiwidne pak bě, zo hosćo wose­bje w srjedźnym polu spěšnu hru z direktnymi kombinacijemi lěpje wob­knježa. Při konsekwentnym wužiwanju šansow móhli Horjenjo do přestawki bjez­e wšeho 1:3 nawjedować.

wozjewjene w: Sport
Prošu přizjewće so, chceće-li komentar podać

Serbska debata

nowostki LND